Imminut unammillernissannut piareerpit?

Sisimiuni Arctic Circle Race-imi peqataaneq, allat 250-it missaani peqataasut piumassuseqarluartut ingiaqatigalugit, misigisassaavoq pissangarnarluinnartoq, unammillernartorlu. Nunarsuaq mersernartulik aammalu atugassarititai sakkortusinnaasut misigisassaavoq imaannaanngilluinnartoq, misigisassarlu tunniussassarpassualik, unammilleqataarusuttunut piareersimavoq. Sisorartartutut misilittagaqareeraluaruit imaluunniit killissamik misilittagaqarnissannik kissaateqaruit, Arctic Circle Race periarfissatsialaavoq timikkut aamma eqqarsartaatsikkullu imminut unammillernissamut kiisalu issittormiut nunaat kusanarluinnartoq misigisaqarfiginissaanut.

Peqataaninnilu peqatigissavatit inuit assigiinngitsut nunarsuaq tamakkerlugu peqataasut, sisorarnermik, sisorarnerullu silarsuaani misigisassarsiornermik aallutaqarluartut peqatigissallugit. Angalanerit sisorarneriinnarmut tunngassanngilaq, periarfissatsialaavoq nunaqartut Sisimiuni kulturiat aammalu inuit kialaarnerat, qanilaassusaallu misigissallugu.

Eqqaamassavallu piareersarsimalluarnissat, sisorarnissamut piginnaasatit aammalu atortut assigiinngitsut silamut allanngoraqisumut tulluarsakkat. Isumannaassuseq aamma atortut eqqortut aaliangiisuusarput nunat issittut avatangiisiini.

Arctic Circle Race-imut nalunaarnissannut, uku malissavatit;

 TRIN 1

 TRIN 2

 TRIN 3

 TRIN 4

1. Nalunaarneq

Nalunaarnermut toortagaq tooruk: Nittartakkami 'Nalunaarit' ujaruk toorlugulu. Toortagaq naliginnaasumik ersittarpoq saqqaani imal. peqatanissamut paasissutissat akornanni.

2. Immersuiffissaq

Nalunaarnermi immersuiffissaq immersoruk: Immersuiffissamut nuunneqassaatit. Immersoqquneqartut immersukkit, paasissutissat ilinnut tunngasut, attavissat, ilaalu ilanngunneqarsinnaasut piumasarineqartut.

3. Akiliineq

Immersugassaq immersoreeraanni, immersuineq naammassineqassaaq akiliinermik. Naliginnaasumik akiliisinnaavutit uku atorlugit kreditkort, MobilePay imal. toqqaannarluni bankikkut nuussinermi, paasissutissat tunniunneqartut malillugit. Akiliutissatit piareersimatikkit.

4. E-mailikkut uppernarsaat

Akiliineq iluatsippat, e-mailikkut uppernarsaammik nassinneqassaatit. Taannalu e-mail Arctic Circle Race-mut nalunaarnermut uppernarsaataavoq, paasissutissanillu pisarialinnik unamminissamut tunngasunik imaqarsinnaalluni, soorlu qanoq ingerlariaaseqarnersoq, maleruagassat ilaasussanut aammalu apeqqutissaqarnermi attavissat.

Pingaaruteqarpoq ilitsersuutit tamarmik atuarnissaat, malinnissaallu. Nalunaalernermi paasissutissat tunniunneqartut ajornaquteqanngitsumik aamma iluatsilluartumik unamminermut nalunaarnissaq qulakkeerumallugu.

Apeqqutissaqaruit imaluunniit nalunaarniarnermi ajutooruit, aaqqissuusami aaqqissueqataasut periarfissaqarput paasissutissanik, ikiuunnissamilluunniit apeqqutteqarfigineqarnissaminnut.

Nalunaarit

Akit takukkit

Attavigisigut

Paasissutissat nalunaarsukkit

Uunga iserlutit takukkkit, akit aammalu immersuiffissat Arctic Circle Race-mut ilaanissamut.

NALUNAARIT

Contact ACR

Attaviginissatsinnut tikilluaqqusaavutit ACR-imut nalunaarneq pillugu allaffiginissatsinnut, tigoriarutsigullu tuaviortumik akinissarput sulissutigigssavarput.

Allannginninni, apeqqutigeneqartartut atuakkit.

Go to Contact

Sisimiunut tikinneq

Unammeqataasussat tamarmik Sisimiut Mittarfeqarfiani nalunaassapput, nassatanullu allagartat tunniunneqassapput. Piumasaqaataavoq pisattat tamarmik nalunaarsorneqarnissaat.

Assartuineq

Assartuineq mittarfimmiik najugarisassamut periarfissaavoq, ilaasussanut tamanut.

Piareersarneq

Nalunaareersimaguit eqqaamasassat pisariallit aaku:

Eqqaamasassat aallannginnermi:

Ilaasussat allattorsimaffiat

Pingaaruteqarpoq, unamminerup aallartinnginnerani nalunaarsimanissat. Nalunaarfissaq Race Office-imi pisarpoq, Taseralimmi, Arenap saniani.

Ikiuuttunik Race Office-mi nalunaarsuisoqassaaq.

Pujassaavik

Pujassaavik ACR-imut tamanut ilaasussanut ammassaaq, race Office-llu akianiippoq- Taseraliup akiani. Illu aappalaartoq, uani takusinnaavat.

ACR camp-iani aamma pujassaaveqarumaarpoq.

Aallannginnermi

Pingaaruteqarpoq aallannginnermi piareersimanissat, normut, chip aamma atortut pingaarutillit unamminermut tulluuttut piareersimassallugit.

ACR-nunap assinganik, normussanik, unamminermilu paasissutissanillu ACR mappimik tunineqassaatit.

Inatsisit

1.

Klassisk stil

Unamminermi kisimi klassisk stil atorsinnaavat. Skøjte stil atorukku erngertumik unamminermiik unitsinneqassaatit.

2.

Normut ersarinnissaa, nuisanissaalu isumannaaruk

Arctic Circle Race-mi peqataasut tamarmik qularnaassavaat, startnummer ersarissuutissallugu, apuunnissap tungaanut.

3.

Eqqagassanik eqqaasoqassanngilaq

Arctic Circle Race-p kissaaatigivaa nuna tamanit eqqiluitsuutinneqassasoq, imminermut kisimi eqqarsaatiginngikkaluarlugu, ataatsimut akisussaaffigissallugu qulakkeerusuppaa, kinguaariit tulliuttut nunarput kusanaqisoq aamma nuannersumik angalaffigisinnaaniassammassuk.

4.

Unamminissannut poortuigit, rygsæk atisassamaatillu

Rygsæk imai ukuussapput :

Kiinnamut assiaqut.
Saniatigut nasassamaat.
Saniatigut aaqatissamaatit (aaqqatit meqqullit – silittut, naliginnaasuunngitsut).
cremeq, imermik akoqanngitsoq.
Meqqunit (uld) sanaat attariit (iluatigut qarliit, tujuulussuaq qungasilik).
Kavaajaq suiitsoq.
qarliit suiitsut.
Alersersuit meqqullit(uld).
Seqinersiutit sakkortuut, imaappoq, isitai taartut.
Nillujuitsumi imertagassaq kissartoq (0,5-1,0 liter, nillujuitsoq savimineq innersuunneqarpoq).
Nerisassat/energibarit, minnerpaamik ca. 5000 kJ (1500 Kcal), 24 time-mut agguarlugit.
Ingerlavissap assinga.
Ikiueqqaarnermi atortut, iluaniipput alufolie-tæppe, siggartaat aamma aniguinissamut atortut, Sisimiu-ni tunniunneqarumaarput.
Skistøvlinut assiaqutit.
Eqqaamallugu nammineq imerfissat/vandflaske, ataasiartakkanik tunniussisoqarsinnaanngilaq.
Imerfissaq imal. vandflasker piareersimatinneqartassaaq imertarfinni unamminerup nalaani.

5.

Arpaffimmiiginnarit sila ajortissagaluarpat imal. ajutuussagaluaruit

Isumannaallisaaneq peqqutigalugu, pisariaqarpoq arpaffimmiiginnarnissat Arctic Circle Race aqqusiarisimasaani.

Aqqutit nalunaarsorsimasut malikkaanni, ilinnuinnaanngitsoq isumannaallisaaneruvoq, allanillu ajutoortoqasssagaluarpat upalumaarfigineqanngitsumi, ajutoortoqassagaluarpat ikiuunnissamut oqilisaataassammat. Aqqummiiginnarneq avatangiisit sunnerneqarneri aammalu aaqqissuisut angallannissamut pilersaarusiarisimasaat eqqugaannginnissaat annikillisartarmagu.

6.

Peqataasussat tuperni agguarsimasuni unnuissapput

Peqataasussat tupermi tunniunneqarsimasumi kisimi unnuissapput.

Periarfissaavoq aamma ACR-imi peqataasussamik allamik unnueqateqarsinnaaneq, tamanna pisinnaavoq nalunaalernermi imaluunnit ACR allafianut nalunaarnermi.

7.

Nalunaarneq

Nalunaarnissaq pissaaq kingusinnerpaamik 5 min. arpannerup aallartinnginnerani.

Nalunaarneq pisarpoq Taseralik – kulturikkut illorsuaq Sisimiut.

8.

Nuunneq

160 km aamma 100 km-iterimiik nuunnerit tamarmik ersarissumik nalunaarsorneqassapput pisortatigoortumik.

Periarfissaavoq Jury imal. ikiuttut ingerlateqqiinissaminnut, nalunaarutigalugulu kissaatigisukku 160 km imal. 100 km-miik nuunnissat.

9.

160 km-mi peqataasut

160 km-miterimi peqataasut aallarfiit tamaasa saarlermiitinneqartassapput.

Angalanermi taskeq

Atortusannut aamma taskeq akunnattoq nassarneqassaaq (ca. 60 liter) oqimaassuseqassallunilu annerpaamik 15 kg. Taskerlu assartorneqassaaq aallarfimmiik, ACR- aallaarsimaarfianut. Taskit tamarmik containerimik assartorneqassapput, issimullu illersugaanatik. Saniatigullu, aput assartuinermi isaasinnaalluni, taamaasilluni isugutsersinnaallutik, taamaammat taskit sinngupuullu isugutammut illersuuserlugit poortorneqassapput.

Taskip uku imarissavai :

Sinngupooq -30 °C. angullugu atorsinnaasoq.
Allequtaq kialaartitsisartoq.
Nerinermut atortut, puuguttat, imerfiillu.
Nerisassat imigassallu ullunut pingasunut (4-6000 Kcal ullormut)
Pujassaatit (siunnersuut -5 °C qaangerluguluunniit atorsinnaasoq)
Uffarfimmi atortut (kigutigissaatit il.il.)
Qaattuunnernut mattusit (ass. Compeed)
Saniatigut cremeq seqinermut illersuut SPF (15-20) imertaqanngitsoq.
Atisat meqqullit(uld):(qarliit, tujuulussuaq, alersersuit)
Atisassat saniatigut, støvlillu oqortut.
Malugiuk: Sisimiuni pisattanut allagartamik pissagavit, pisattannut ikkunneqassapput unamminerup aallartinnginnerani.

Allagartat

Saqqummiisoqassaaq allagartat pillugit, unamminerup nalaani atuuttussat, taannalu pissaaq Taseralimmi paasissutissiisoqalerpat (Program saqqummissaaq piareerpat).

Sila

Sila Kalaallit Nunaanni allanngorartorujussuusarpoq, taamaammat pingaaruteqarluinnarpoq silassaq malinnaaviginissaa, ullualuit unamminissap aallartinnissaa sioqqullugu.

ACR aallaarsimaarfiani ullut tamaasa silassaq nutaaq saqqummiunneqartarumaarpoq.

Isumannaallisaanermi paarsisut

Peqataasutut ulloq unnuarlu kajumissutsimik peqataasut eqqanniissapput, aallarnermiik naammassinissappit tungaanut.

Nakorsat
Niviarsiat
Alaatsinaattut
Radio- mi nalunaarsuisut
Jury-mi ilaasortat

Snescooter-inik assartuisut

Taareernitsituut kajumissutsimik ikiuuttut tamarmik ikioqatigiissapput, ilaasut tamarmik upalungaarsimanissaannut, arlaannik pinartoqassagaluarpat, ajutoortoqassagaluarpalluunniit piareersimassallutik.

Sisorarneq nalunaaquttamik nalunaarsugaavoq, jury-miillu piffissaq nakkutigineqassaaq, peqataasullu tamarmik takutitsinerat nakkutigineqassalluni. Peqataasut tamarmik nakkutigineqaqqissaartarput, taamaasillutik qamuteralannik aammalu qimussinik ingiaqateqarsinnaasarput, ikiugassaagunik imaluuniit kiffartorneqarnissamut pisariaqartitsissagaluarpata.

Attaveqaqatigiinneq

Kommandocentraleqassaaq ACR Arena- Taseralimminngaanniit, attaveqaatit, nalunaarsuinerit kajumissutsimik ikiuuttut, upalungaarsimasut, angallannerillu tamarmik ACR Arena-miik, ACR aallaarsimaffianut angallattut ulloq unnuarlu unammisut naammassinissaata tungaanut nalunaarsorneqartarput.

ACR uniformii

Uani takusinnaavatit ikiuutut tamarmik uniformii qanoq isikkoqarnersut.

Arlaannik apeqqutissaqaruit ikiugassaaguilluunniit, ikiuuttut arlaat unitsiinnassavat piumaffigaluguluunniit ikioqqunissannut, erngertumik ikiussavaatsit.

Arctic Circle Race-imi ingerlalluarnissannik kissaappatsigit, neriuppugut misigisassarsiornerit puigunaatsunik aammalu inuttut piginnaasannik takutitsilluarnissannik kissaappatsigit. Sisimiut nunataa kusanarluinnartoq aliannaarsaarluarfigigiuk!