ARCTIC CIRCLE RACE CAMP

ACR Aallaarsimaffia

Arctic Circle Race Camp tassaavoq peqataasut aammalu ikiuutaasut aallaarsimaarfiat.

ACR aallaarsimaffia ataatsimoorfinngortarpoq, peqataasunut ikiuuttullu  uninngaarfigineqartarluini, unnuit marluk, Sisimiut nunataasa kusanarluinnartup akornanni.

Kalaallit Nunaanni sila allanngorartorujussuusarpoq, taamaattumik ACR aallaarsimaarfissaata tullia sumiinnissaanik nalunaaruteqarsinnaanngilagut. Aallaarsimaffiup toqqavissaanik toqqaaneq ukiut tamarluinnaasa, silap pissusaa aammalu ukiup qanoq innera Kalaallit Nunaanni, Sisimiunilu  apeqqutaatillugu toqqaasoqartarpoq. Siumut takorlooruminaatsop, nuna qanoq aputeqartiginera peqqutaalluni, arpaqataasussat utaqqisariaqartarput ACR programmi naammassineqarnissaanut. Kialluunniit siumungaaq eqqoriarsinnaanngimmagu qanoq aput annertutiginersoq, qanorlu ikkumaarnersoq piffissami tunniunneqartussami, pilersaarusiortut atugassarititaasut qanimut qanoq innersut takoqqaartariaqarpaat, arpannissap ullua qanillilluinnarnerani, arpannerup aqqutissaata isumannaannissaa taavalu isumannaallisaaneq peqqutigalugu taamak aaliangiisoqartarpoq.

 

Aallaarsimaarfik

ACR aallaarsimaaffia apuuttarfiuvoq unamminermi ulloq siulleq, ullorlu aappassaaneerneqarnerani. Aallaarsimaarfik tamanut ataatsimoorfinngortarpoq peqataasut, ikiuuttut aammalu tikeraat nunarsuaq tamakkerlugu, sisimiullu innuttaasuinik ornigarluarneqartarluni.

Aallaarsimaarfimmi ullut marluk ingerlanerani aliikkusersuisoqartarpoq, nipilersortoqartarpoq, kulturikkullu tunngasunik aliikkusersuisoqartarluni aammalu nerisassanik Kalaallit Nunaaneersunik sallaalliisoqartarluni, nerisassat aalisartuniit, piniartuniillu il.il.

Atortorissaarutit

Peqataasunut tupit

Nalinginnaasumik Arctic Circle Race-imi peqataasut tupermik agguaanneqartarput, tupeqateqarsinnaallutillu allat peqataasut ataaseq imaluunniit arlaqartut tupeqatigalugit. Peqataasut tamarmik periarfissinneqartarput, namminneq kina tupeqatigerusunnerlugu toqqaasinnissaannut arpaqataanermut nalunaalernermi, taamaasillutik toqqissisimanarnerutitatik toqqarsinnaatitaavaat, tupermi avitseqateqarnissaminnut.

Taamatut aaqqissuineq ataqatigiinnermik tamanut peqataasunut pilersitsisarpoq aammalu periarfissatsialaalluni inuttut ataqatigiilerneq peqataasut akornanni, sisoraqataanermi unamminaqisup ingerlannerani.

Arctic Circle Race tupii

ACR marlunnik angisuunik kiassakkanik tupernik attartugassaateqartarpoq, aallaarsimaarfimmi ulluni marlunni unamminermi, tupeq peqataasunut atortunut, atisanullu unamminermi atorsimasanik panersaavik, massage-aasarfik Arctic Circle Race-imut peqataasunut, tupillu aappaa nerisarfittut, katerisimaarfittullu atorneqartarluni.

Tupeq katerisimaarfik imermik piareersimasuuteqartarpoq, peqataasunik, ikiuuttunullu atorneqarsinnaalluni, aammalu tupeq igaffeqarpoq, ikiuuttunut aammalu isumannaallisaanermut ikiuuttunut atorneqarsinnaalluni. Eqqaamallugu, ikiuuttut kisimik nerisassanik, imeruersaatinillu Arctic Circle Race-imeersunit pisinnaatitaammata! Arctic Circle Race-imi ilaasut tamarmik nerisassatik namminneq nassassavaat.

Perusuersartarfiit

ACR aallaarsimaarfiani illuaraqarpoq perusuersartarfik, tupit ungasinngisaanni.

Pujassaasarfik

ACR aallarsimaarfiani containeri imaluunniit tupermik piareersimasoqartarpoq pujassaanissamut periarfissamik, taannalu ulloq unnuarlu ammasarpoq. Kiisalu periarfissaavoq ikiorneqarsinnaanissaq, siunnersorneqarsinnaanerlu ulloq unnuarlu. Arlaannik ikiugassaaguit imaluunniit apeqqutissaqaruit, tikilluaqqusaavutit ikiuuttut arlaat aallaarsimaarfimmiittoq saaffiginissaanut, tamarmik ujameqarput/ID, qaqugukkulluunniit ilitsersuinissaminnut piareersimallutik.

Malugiuk, nammineq pujassaanermut atortutit nassassagakkit, silamut naleqqussarsimasut, isumannaallisaaneq pillugu.

Isumannaallisaanermi paarsisut

Peqataasut ulloq unnuarlu kajumissutsimik peqataasut eqqanniissapput, aallarnermiik nammassinissap tungaanut.

  • Nakorsat
  • Niviarsiat
  • Alaatsinaattut
  • Radio-mi nalunaarsuisut
  • Jury-mi ilaasortat

Arctic Circle Race isumannaallisaaneq pimoorulluinnarlugu aalluttarpaat, taamaasilluni ilinniarsimasunik piareersimasoqartarluni, ikiuinissamut aammalu tapersiinissaminnut piareersimasarlutik unamminerup ingerlanerani.

Peqqinnissaqarfimmiik, politiinit, qatserisartuniit aammalu jury-imi ilaasortat piareersimatinneri isumannaallisaaneq anguniarlugu, arpattut isumagilluarneqartarput, arlaannillu pinartoqassagaluarpat, ajornartoortoqassagaluarpat ajornartorsiut aaqqipallanneqarsinnaalluni.

Attaveqaqatigiinneq

Kommandocentraleqassaaq ACR Arena Taseralimminngaanniit, attaveqaatit, nalunaarsuinerit kajumissutsimik ikiuuttut, upalungaarsimasut, angallannerillu tamarmik ACR Arenamiik, ACR aallaarsimaffianut angallattut ulloq unnuarlu unammisut naammassinissaata tungaanut nalunaarsorneqartarlutik.